Transferimi i Matthijs de Ligt te Barça në rrezik?

10:30 | 22 Maj 2019
Arbresh Info

Transferimi i talentit Matthijs de Ligt nga Ajaxi te Barcelona mund të jetë në rrezik.

Kështu raporton Catalunya Radio, e cila pretendon se Manchester United mund të rrëmbej yllin e ri duke i shtruar një ofertë më luksoze gjigantit holandez, transmeton portali arbresh.info.

19-vjeçari është pritur të largohej nga Eredivisie për transferim te Barcelona për 60 milionë funta, por këto raporte nga Sky Sports mund të kenë qenë të parakohshme.

Burimi i lartpërmendur pretendon se agjenti Mino Raiola dëshiron një pako financiare më të mirë për talentin dhe beson se United është “ekonomisht më i vendosur” për transferimin e tij.

I pyetur nëse do të luaj së bashku me Frenkie de Jong në Barcelonë, De Ligt u përgjigj: “Do të ishte mirë për të luajtur me Frenkien në një skuadër, por nuk e di nëse kjo do të ndodhë”. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm